Mae'r gwaith presennol ar brosiect LARS iCAT yn canolbwyntio ar ddatblygu mesur newydd i ddal y symptomau sy'n gysylltiedig â LARS; syndrom echdoriad anterior isaf. Mae hwn yn gasgliad o symptomau a all ddigwydd ar ôl llawdriniaeth ar gyfer canser y colon a'r rhefr a all gael effaith ddifrifol ar ansawdd bywyd cleifion. Bydd LARS iCAT yn asesu'r symptomau hyn, yr effaith y maent yn ei chael ar ansawdd bywyd cleifion ac olrhain y newidiadau hyn yn ddibynadwy dros amser.
Mae'r mesur newydd yn y broses o gael ei ddilysu gan ddefnyddio mewnbwn cleifion o'r DU, Gogledd America ac Awstralasia. Mae hyn yn cael ei hwyluso gan gydweithrediad LARS, sef casgliad byd-eang o arbenigwyr ac arweinwyr yn LARS, wedi'u huno gan y nod o dynnu sylw at bwysigrwydd mynd i'r afael â'r cyflwr hwn a'i effaith sylweddol ar ansawdd bywyd. Gyda'i gilydd, y nod yw cael effaith ar LARS trwy rymuso cleifion, addysgu cymunedau a gwella bywydau. Mae Dr Laura Knight o CEDAR yn rhan o'r cydweithrediad hwn fel yr Uwch Ymchwilydd Ansoddol a hi yw arweinydd prosiect LARS iCAT o fewn CEDAR.