Ymchwil Clinigol

Mae CEDAR yn cyflawni swyddogaethau rheoli treialon clinigol gan gynnwys:

• Hwyluso astudiaethau newydd - methodoleg, adolygiadau systematig, Cynnwys Cleifion a’r Cyhoedd (PPI), costio, ceisiadau grant, datblygu protocol
• Ystyriaethau rheoleiddio/llywodraethu – Nawdd, REC, MHRA, cymeradwyaethau lleol
• Rheoli treialon – hap-osod, dogfennaeth treial hanfodol, monitro safle, pwyllgorau
• Rheoli data – dylunio CRF, holiaduron, dylunio a phrofi cronfeydd data, SOPs, adolygu a chofnodi data.
• Diogelwch – adolygu ac adrodd ar ddigwyddiadau andwyol.
• Ystadegau ac adroddiadau – maint y sampl, SAP, dadansoddi ac adolygu ystadegol, adroddiadau astudiaeth, cyhoeddiadau.

Mae CEDAR yn cynnwys tîm hynod brofiadol ac amlddisgyblaethol o weithwyr y GIG a Phrifysgol Caerdydd. Mae uwch-reolwyr treial/uwch-ymchwilwyr yn cymryd cyfrifoldeb am bob agwedd ar ein portffolio o dreialon, gydag unigolion a enwir yn arwain y gwaith o gynllunio’r astudiaeth, prosesau cymeradwyaeth reoliadol, cynnal/monitro, dadansoddi ac adrodd.

Mae system sicrhau ansawdd gadarn CEDAR yn sicrhau ein bod yn bodloni rheoliadau a deddfwriaeth briodol, gan gynnwys egwyddorion Arfer Clinigol Da (GCP), Fframwaith Llywodraethu Ymchwil y GIG, y Ddeddf Diogelu Data a Rheoliadau’r DU sy’n gweithredu Cyfarwyddeb yr UE ar gyfer Treialon Clinigol.

Rydym yn gweithio gyda chlinigwyr, ymchwilwyr academaidd, partneriaid masnachol/partneriaid mewn diwydiant, a sefydliadau trydydd sector.