MS Immuno-T: Asesiad Economaidd Iechyd o ddiagnosteg newydd ar gyfer Sglerosis Ymledol

Cefndir

Mae Sglerosis Ymledol (MS) yn gyflwr cronig sy'n effeithio ar tua 110,000 o bobl yn y DU. Mae'r llwybr diagnostig presennol yn gymhleth ac yn hir, yn aml yn cymryd 6 i 12 mis i gadarnhau diagnosis. Mae'r broses hon fel arfer yn dibynnu ar brofion mewnwthiol, fel pigiadau meingefnol, a all fod yn boenus, costus, ac arwain at gymhlethdodau.

Wedi'i ariannu gan yr NIHR (ID: NIHR208514), mae'r astudiaeth hon yn canolbwyntio ar ddilysu MS Immuno-T yn glinigol, sef prawf gwaed newydd a ddatblygwyd gan ImmunoServ. Mae'r prawf hwn yn canfod ymatebion celloedd T penodol sy'n gysylltiedig â'r clefyd. Dim ond sampl gwaed safonol sydd ei angen ar y prawf a gall adrodd canlyniadau o fewn 48 awr. Nod y prosiect yw dilysu perfformiad y prawf yn erbyn y safonau arferol, gyda'r nod o symleiddio diagnosis a gwella gofal cleifion.

Rôl CEDAR

Mae CEDAR yn cydweithio â ImmunoServ i werthuso gwerth economaidd iechyd y prawf MS Immuno-T a sicrhau bod y prosiect yn cael ei arwain gan safbwyntiau cleifion:

• Dadansoddiad Economaidd Iechyd: Rydym yn datblygu model economaidd i amcangyfrif cost a manteision iechyd posibl y prawf gwaed o'i gymharu â'r diagnosteg safonol bresennol. Trwy ddadansoddi data ar ddefnydd adnoddau ac ymgynghori â chlinigwyr i fapio llwybrau diagnostig, ein nod yw dangos yr effaith bosibl ar y defnydd o adnoddau gofal iechyd a chanlyniadau cleifion.
• Cynnwys Cleifion a'r Cyhoedd (PPI): Mae CEDAR ac Immunoserv yn gweithio gyda'r Banc Meinweoedd Ymchwil Niwrowyddoniaeth Cymru i recriwtio cynrychiolwyr cleifion sydd â phrofiad o sglerosis ymledol, i roi mewnbwn ar ddyluniad ac arweiniad yr astudiaeth. Bydd CEDAR yn cydweithio ar sawl grŵp ffocws gyda chleifion i ymchwilio i dderbynioldeb y prawf newydd a sicrhau bod yr astudiaeth a'i dadansoddiad yn adlewyrchu profiad byw cleifion yn gywir.