Mae gan CEDAR arbenigedd a phrofiad mewn economeg iechyd, gan gynnwys gwerthusiad beirniadol o fodelau, modelu economaidd, cynorthwyo gyda gwerthusiadau a newidiadau gwasanaeth ac Elw Cymdeithasol ar Fuddsoddiad (SROI).
Arweinir ein gwaith economeg iechyd gan ein Prif Economegydd Iechyd Megan Dale, gydag arbenigedd ychwanegol gan ein Uwch Economegydd Iechyd Huey Yi Chong a chefnogaeth gan y tîm ehangach. Mae CEDAR wedi’i gontractio gan NICE i feirniadu a diwygio gwerthusiadau economaidd a gyflwynwyd gan gwmnïau ar gyfer y Rhaglen Gwerthuso Technolegau Meddygol. Rydym hefyd yn gweithio gyda thimau ymchwil i gefnogi treialon clinigol a chefnogi nifer o wahanol fathau o werthusiadau. Mae CEDAR hefyd yn darparu darlithoedd i Brifysgol Caerdydd ar sawl pwnc, gan gynnwys economeg iechyd.